|
ESALELI MPO YA MALOBA Ba ndeko batángi, Ya libosó penzá, po na kokóta pe koluka ndimbola ya maloba ya lingála na fransé, bosengélí konyata na bilembo ya mikandá oyo ekomami na motane awa likoló: A B C D... Lingála,
ngéngé boyebi, ezali monoko ezali kolobama káka na
bato na Ekwatéle te. Yango ezali pe komonisa ntina oyo tokokútaka
mbala míngi maloba ya minoko mosúsu na lingála. Yangó
wáná, po ya kosála bokeseni, bokokúta maloba
ya lingála oyo ezali kolobama kíno móyi ya leló,
yango ekomami na motáné ya ngóla makasi (rouge foncé,
gras) Bokokúta
pe maloba mosúsu ya lingála oyo elobamaka lisúsu
mingi te. Maloba yangó etíkálá tango mosúsu
bobélé na mikandá, tó pé bokoyóka
yangó na baye balobaka bó momeseno lingála ya makanza.
Bana ya Kisásá ya móyi ya leló bamíngi
bayebi yango te. Maloba yango makomámí na moyindo makási
(noir, gras) Bokokúta
pe maloba mosúsu ya lingála oyo ewútí na fransé,
kasi ekótá na lingála. Yango ekomami pe na motáné
ya ngóla makasi (rouge foncé, gras), pe na suka, kati ya
ba mifiníku (parenthèses) liloba ya Lingála, ndenge
elóngóbání. Ezalí
pé na maloba mosusu ewúti na Kikóngo, Tshilúba,
Swahíli to pe minoko misúsu ya Kongó, pe ekótá
na lingála. Yango ekomami pe na motáne ya ngóla makasi
(rouge foncé, gras), pe na súka, kati ya mifiníku,
etiamí "Arg." yango elingi koloba argot
Maloba óyo ekomámí na monéne rouge foncé ezali kolobama mokolo na mokolo. Kasi oyo ezali na moyindo elobamaka lisúsú mingi te. Elingi koloba 'te soki olobi yango, mingi bako yeba te soki olobi nini, pe bakosímba tína te. Ndakisa :
káwa (kafé)
= café Bokokúta pe ba ndóí ya maloba (synonymes). Yangó ekomámí mpe etiami kati ya mifiníku (parenthèse) Ndakisa : lipiká (pambu) = ver de terre Dikisionère
ya Suka Epoque nanu esílí te. Tokotóndisa
yango malembe malembe, biso na bínó elongó. |
|
|
 |